சுபாஷ் பக்கங்கள்

புதிய ஆரம்பம்

Win XP – இணைய இணைப்பின் வேகத்தை அதிகப்படுத்துவது எப்படி ?

Posted by சுபாஷ் மேல் ஏப்ரல் 16, 2009

இது ” எப்படி?” பதிவு போடும் சீசன் போலிருக்கு. அதான் நானும் ஜோதில ஐக்கியமாகலாமேனு ஒரு பதிவ போட்டேன். ( ஆக்சுவலி பதிவு பெயரைத்தான் மாற்றினேன் )

உங்களிடம் இருப்பது விண்டோஸ் XP எனில் இந்த முறையைப்பின்பற்றி உங்களின் இனைய இணைப்பின் வேகத்தை சிறிது அதிகரித்துக் கொள்ளலாம்.  முயன்று பார்த்து வித்தியாசமாகவிருந்தால் பின்னூட்டத்தில் சொல்லுங்க நண்பர்களே.

முதலில் அட்மினிஸ்ரேட்டர் அக்கவுண்ட் அல்லது அட்மினிஸ்ரேட்டருக்குரிய உரிமைகளனைத்துமிருக்கும் அக்கவுண்டில் நீங்க இருக்க வேண்டும்.

1. 1. Start – Run – type gpedit.msc

1

2. இடது பக்கத்தில் உள்ள Local Computer Policy என்பதை விரிவாக்கி கீழ்க்கண்ட ஒழுங்கில் செல்லவும்.
Administrative Templates / Network Branch வரை சென்று அங்கு QoS Packet Scheduler என்பதனை தெரிவு செய்யவும்.

3. பின்னர் வலது பக்கம் வரும் Limit reservable bandwidth என்பதனை இரட்டைச்சொடுக்கு மூலம் திறக்கவும்.

21

4. Setting tab இனில் Enable என்பதனை தெரிவு செய்யவும்.

5. Bandwidth limit % எனுமிடத்தில் 0 ( பூச்சியம்) என இட்டு OK பட்டனை அழுத்தவும்.

3

அவ்வளவுதான்.

XP யானது சாதாரணமாகவே இணைய இணைப்பில் சுமார் 20% இனை தனது தேவைக்கு ஒதுக்கி விடும்.  QoS இனை disable பண்ணியிருந்தாலும் இப்படித்தான் இருக்கும். QoS ஆனது நமது வீட்டுப்பாவனைக்கு  தேவையில்லாத ஒன்று. QoS பயன்படுத்தவில்லையெனில் XP யானது ஒதுக்கி வைத்த 20% த்தினை நாமாவது பயன்படுத்தலாம். அதற்குத்தான் இந்தப்பதிவு.  ஆனால் உங்களிடம் அதிவேக இணைய இணைப்பிருந்தால் இந்தப்பதிவில் சொல்லியபடி செய்தாலும் எந்த வித்தியாசமும் தெரியாது. டயல் அப் கனக்ஷன் வைத்திருப்பவர்களுக்கு வேகம் அதிகரிக்கும்.

உங்களுக்கும் வித்தியசம் தெரிகிறதாவென பின்னூட்டத்தில் சொல்லுங்க…

அன்புடன் சுபாஷ்.

Advertisements

Posted in எப்படி எப்படி, தகவல் தொழில்நுட்பம், விண்டோஸ் | குறிச்சொல்லிடப்பட்டது: , | 11 Comments »

சில சைனீஸ் இணையத்தளங்கள்

Posted by சுபாஷ் மேல் ஏப்ரல் 13, 2009

இப்ப ”எப்படி ? ” பதிவு சீசனாகையால் எதையெல்லாம் எப்படி பண்ணலாம்னு சைனீஸ்காரன் சொல்றத பாருங்க. ( புரியலயா ? இங்க வாங்க )

சூப்பர் வைட் ஸ்கிறீன் வால்பேப்பர்கள் ( என்னைப்போல வால்பேப்பர் பிரியரா நீங்க ? இதுவும் மியுசிக் மாதிரி. மொழியே தேவையில்லை )

இன்னும் நல்ல வால்பேப்பர்கள்

கூகுளை எப்படியெல்லாம் பயன்படுத்தலாம்னு நிறைய டிப்ஸ். ( புரியலனா இங்க பாருங்க )

கழிவுத்துணிகளை வைத்து கைவேலைப்பாடுகளை செய்யும் ஐடியா!!! வெளிநாட்டவருக்கு இணையம் மூலம் நல்ல விலைக்கு விற்கலாம்.

டை ( அதாங்க கழுத்துப்பட்டி ) எப்படி கட்டலாம்னு படம் போட்டு விளக்கறாங்க.

பல பிரபல்யமான ஆங்கில வார, மாத இதழ்களை இங்கு இலவசமாக தரவிறக்கலாம். Business Week, Times, National Geography magazine போன்றவையெல்லாம் இங்கு இருக்கு. டவுண்லோட் பட்டனை தேடி கண்டுபிடிப்பது உங்கள் சாமர்த்தியம். ( கூகிளை உதவிக்கு அழைக்கலாம். ஹிஹி )

சோர்ஸ் கோட்களை எப்படி வாசிப்பதுனு ஒரு ஆர்ட்டிக்கல்.
மிக மிக அருமையாக எளிதில் விளங்கும்போல எழுதியிருக்கார் இந்த 22 வயது பட்டதாரி. ( சத்தியமாங்கோ!!! டவுட்டுன்னா இந்க போய் translation பாருங்க. ஹிஹி எங்க ஏரியாக்கெல்லாம் ஆட்டோ அனுப்ப முடியாது)

நாம் கடைகளில் சீனி, மா போன்றவற்றை லூசாக  வாங்க பேப்பர் சுருளை உபயோகிப்போம்.  ஆனா சைனீஸ் ??? இந்த இடத்துலதான் அவங்க திங்கிங் நம்மள விட்டு வேறமாதிரி இருக்கு.
இதையும் பாருங்க

Wall-E Robo இங்க நல்ல சீப்பா வாங்கலாம். சைனா காசு வெறும் 200 தான்.

சைனாவின் மாமண்ணர்கள் ( எந்த எழுத்துப்பிழையுமில்லை )

இறுதியாக, உங்களுக்கு இந்த இணையத்தளங்களையும் சைனீஸ் காரர்களையும் பிடித்திருந்தால் இங்கே போகலாம்.
தெடுப்பு 1

தொடுப்பு 2

வாழ்த்துக்கள்!!!

==============

எனக்கும் சைனீஸிக்கும் அப்படி என்ன ராசியோ தெரியாது. முந்தி சைனீஸ் ஜோக்குகள்னு ஒரு பதிவு போட்டேன். ஹிட்ஸ் அதிகமாருக்கற என்னோட பதிவுகளில் அதுதான் 2ம் இடம். பிறகு சைனா சிக்கன் மேக்கிங் பற்றி ஒரு பதிவு போட்டேன். அதுவும் நல்ல ஹிட்களை தந்தது.  அதுதான் சைனீஸ க்கும் எனக்கும் என்ன ராசியோ?? அதை ஒரு தரம் முழுவதுமாக மறுபடி செக் பண்ணி பார்க்கணும்ணு இந்தப்பதிவு போட்டிருக்கேன். ( வேலை வெட்டி இல்லாம சும்மா இருக்கறவன விட, அவன் பண்ற லொள்ளால் பாதிக்கப்படுர மக்கள்தான் பாவம்னு எனக்கு எப்பவும் புரியவேமாட்டாது )

Posted in எப்படி எப்படி, மொக்கை | குறிச்சொல்லிடப்பட்டது: , , | 9 Comments »

என்னத்த சொல்ல – microsoft ன் கதி

Posted by சுபாஷ் மேல் ஏப்ரல் 11, 2009

இதைப்பறிறிய உங்கள் கருத்து என்ன ? ( ச்சும்மா நக்கல்தான் ஹிஹி )

Posted in இமெயிலில் வந்தவை, நகைச்சுவை, மொக்கை | குறிச்சொல்லிடப்பட்டது: , , | 5 Comments »

2 டயரில் காரோட்டுவது சினிமால மட்டும்தானா ?

Posted by சுபாஷ் மேல் ஏப்ரல் 10, 2009


ToughWatch more funny videos here

Posted in இமெயிலில் வந்தவை, நகைச்சுவை, மொக்கை | குறிச்சொல்லிடப்பட்டது: , , | 5 Comments »

தமிழில் Fedora 10 ( x86 & x64 மற்றும் Gnome & KDE ) தொடர்

Posted by சுபாஷ் மேல் ஏப்ரல் 10, 2009

Fedora லினக்ஸ் பற்றி எல்லோருக்கும் தெரிந்திருக்கும். இது ஒரு இலவச கட்டற்ற இயங்குதளம். இந்த பெடோரா லினக்ஸ் பற்றிய உதவிக்குறிப்புகளாகத்தான் இந்த ”தமிழ் Fedora” அமையவிருக்கிறது. முதலிலேயே லினக்ஸ் பற்றி அதிகமாக எனக்கு ஒன்றும் தெரியாதென இங்கேயே கூறிவிடுகிறேன். வழமையாக உபுண்டு வைத்தான் பயன்படுத்தி வந்தேன். ஆனால் பெடோராவை கற்றிருப்பது கூடுதல் தகைமையாதலால் இப்போது அதனையும் சுயமாக கற்றுக்கொண்டிருக்கிறேன். பல இணையத்தளங்களும் Fedora வினது உத்தியோக பூர்வ இணையத்தளமும் பல உதவிக்குறிப்புகளை தந்திருக்கிறார்கள். அவர்களுக்கு முதற்கண் நன்றிகள். படிக்கும் தகவல்களை அப்படியே கணினியில் சேமிக்கும் வழக்கமுண்டு. அதனை பதிவிலும் இட்டு உங்களுடனும் பகிர்ந்து கொள்வதன் மூலம் உங்களின் அனுபவத்திலுருந்தும் அறிவிலுமிருந்தும் இன்னும் புதிய வழிமுறைகளைக் கற்றுக்கொள்ளலாமென நினைக்கிறேன். ஏனெனில் இங்கு பலர் சுளியோடி முத்துப்பெற்றவர்கள். அவர்களின் ஆதரவு எப்போதுமிருக்குமென நம்புகின்றேன்.

பல நிறுவனங்கள் தங்களின் சர்வர் மேலாண்மைக்கு அதிகம் Cent OS, Suse Linux மற்றும் RedHat Server போன்றவற்றைத்தான் பயன்படுத்துவார்கள். சிலர் Debian OS பயன்படுத்துவார்கள். அவையெல்லாம் ஒவ்வொரு வினக்ஸ் இயங்குதளங்கள்தான். Linux Flavors என குறிப்பிடுவார்கள். இவற்றில் Cent OS மற்றும் RedHat Server ஆகியவை Fedora வினை தங்களின் client / workstation ஆக பணிபுரிய 100% ஆதரவினை வழங்கும். உபுண்டுவிற்கு 98%ம் தான்.
Susi Linux மற்றும் Debian OS போன்றவை உபுண்டுவிற்கு தங்களின் client / workstation ஆக பணிபுரிய 100% ஆதரவினை வழங்கும். Fedora விற்கு 98%ம் தான். காரணம் Fedora ஆனது ஆரம்பகால RedHat இயங்குதள kernel இனை அடிப்படையாக வைத்து அதே கட்டமைப்புக்களுடன் உருவாக்கப்பட்டது. ஆனால் உபுண்டுவோ Debian OS இன் கட்டமைப்பை அடிப்படையாக வைத்து உருவாக்கப்பட்டது. உண்மையில் மேலோட்டமாகப் பார்த்தால் எந்த வேறுபாடுகளும் தெரியாது. ஆனால் மென்பொருள் நிறுவும் பொறிமுறையும் சில commands வித்தியாசமாக பாவிக்கப்படும். ( வேறுபாடுகள் தெரிந்தால் பின்னூட்டத்தில் அறியத்தரவும் )

சரி, இனி பெடோராவைப்பற்றி பார்க்கலாம். Fedora Core 4 விலிருந்து இதனை பயன்படுத்தி வருவதனால் மற்றய லினக்ஸிலிருந்து இது மிகவும் பிடித்தவொன்றாக மாறிவிட்டது. பெடோராவின் முழு வரலாறும் விக்கிப்பீடியாவின் பக்கங்களிலிருந்து பெற்றுக்கொள்ளலாம். ஆகவே அதையெல்லாம் விட்டுவிட்டு விடயத்திற்கு வரலாம். தற்போது பெடோராவின் 10ம் பதிப்புதான் சந்தையில் இறுதியாக வெளிவந்திருக்கும் பதிப்பு. அடுத்த மாதம் 11ம் பதிப்வை வெளியிடுகிறார்கள். இப்போது வேண்டுமானால் பீட்டாவினை தரவிறக்கிக்கொள்ளலாம். ஆனால் இங்கு நாம் பார்க்கப்போவது Stable ஆகவிருக்கும் 10ம் பதிப்பைப்பற்றித்தான்.

பெடோரா 10 ஆனது x86 மற்றும் x64 பதிப்புகளாக கிடைக்கிறது. நமது கணினியின் வேகம் அதிகமாகவிருந்தால் x64 பதிப்பினை நிறுவிக்கொள்ளலாம். அதாவது உங்களிடம் 3GB க்கு மேலான அளவு ரேம், AMD x86_64 ரக அல்லது இன்டல் Dual Core/ Core 2 Due மற்றும் இவற்றிற்குப்பிந்திய processor இருக்குமானால் இந்த 64பிட் பதிப்பின் முழு வேகத்தையும் எங்களால் அனுபவிக்க முடியும். வேகம் என்றால் சும்மா இல்லை. மேலே கூறியதைவிட வேகம் குறைந்த எனது மேசைக்கணினியில் 64பிட் பதிப்பு நிறுவ எடுத்த கால அளவு வெறும் 5 நிமிடங்கள்தான். ( 32பிட் உபுண்டுவிற்கு 15 நிமிடம், 32பிட் விஸ்டாவிற்கு அல்டிமேட் 20-30 நிமிடம், 32 பிட் XP_sp2 க்கு 20-25 நிமிடம், 64பிட் XP_sp2 ற்கு 15 நிமிடங்களும் பிடித்தது). அவ்வாறில்லையெனில் 32பிட் பதிப்பான x86 இனையே நிறுவிக்கொள்ளலாம். நீங்கள் போலி இயங்குதள மென்பொருட்களை (  Vertual Box / VM Ware & Vertual PC  இனை தவிர்த்தல் நலம்) பாவிப்பதாயிக் 32பிட் இயங்குதளத்தையே நிறுவிக்கொள்ளவும்.

அடுத்து நமக்குத்தேவை எம்மாதிரியான வரைகலை இடைமுகப்பினை (Desktop Interface ) என்பதை வைத்து 2 வகையாக பிரிக்கலாம். சாதாரணமாக பிரபலமான Linux Desktop ஆக Gnome விளங்குகிறது. இது பாவிக்க சற்று இலகுவாகவிருப்பினும் பயனர்களிற்கு ஏற்றவகையில் மாற்றிக்கொள்வது கடினம். அதற்கேற்றாற்போல பயனர்தான் வளையவேண்டும். அடுத்தது KDE எனப்படும் பழைமைவாய்ந்த இடைமுகப்பு. இது ஆரம்ப காலத்தில் லினக்ஸ் முதன்முதலில் GUI ஆக வந்தபோதிலிருந்து பணன்படுத்தப்பட்டும் மேம்படுத்தப்பட்டும் வருகிறது. தற்போது KDE 4.1 ஆனது மிகவும் வலிமைவாய்ந்த இலகுவானதொரு பயனர் இடைமுகப்பாக தெழிற்படுகின்றது. பயனர் தேவைக்கேற்ப வளைந்து கொடுப்பது இதன் சிறப்பம்சமாகும். இதனால் லிகன்ஸிற்கு மென்பொருள் தயாரிப்பவர்களின் முதற்தேர்வாகவும் KDE இருக்கின்றது.

நாம் இங்கு முதலில் 32பிட் Gnome உடைய பெடோராவைப்பற்றி பார்க்கலாம். 64பிட்டிற்கு வரவேற்பு எவ்வாறு கிடைக்குமென தெரியாது. அதனால் 64பிட் பற்றி பின்னர் பார்க்கலாம். ( தட்டச்சு செய்யும் நேரம் மிச்சம் ) மற்றும் சாதாரணமான Genome இலிருந்து படிப்பதும் நல்லது. நல்ல புலமை பெற்றபின்னர் மற்றயதை நாமே சுயமாக கற்றுக்கொள்ளலாம்.

=================================================================================================

இந்த தொடரினை http://fedoraintamil.blogspot.com எனும் புதிய பதிவினில் துவங்கியிருக்கிறேன். அனைவரினதும் ஆதரவும் உதவிகளும் வழமைபோல கிட்டுமென்ற நம்பிக்கையுடன்…

இது பற்றிய எங்களிற்குத்தெரிந்த விடயங்களை பின்னூட்டத்தில் தெரியப்படுத்தவும்.

ஆரம்பத்தில் பிளாகர் தந்த லொள்ளுகளினால் வேர்ட்பிரஸ் தேடி வந்தேன். மற்றும் Cpanel மூலமாக நிறுவுவதும் இலகுவென்பதான் வேர்ட்பிரஸ்ஸே எனது ஏகோபித்த தெரிவாகவிருந்தது. இப்போது பல புதிய வசதிகள் பிளாகரிலும் இருப்பதனால் ஒரு முறை பரீட்சார்த்த முயற்சியாக பிளாகரில் பதிவு துவங்கியிருக்கிறேன். பார்க்கலாம்…

மிக்க நன்றிகளுடன் சுபாஷ்.

Posted in அறிமுகம், தகவல் தொழில்நுட்பம், லினக்ஸ் | குறிச்சொல்லிடப்பட்டது: , | 8 Comments »