சுபாஷ் பக்கங்கள்

புதிய ஆரம்பம்

Archive for the ‘பொது’ Category

இத்தால் சகலருமறிக!!!

Posted by சுபாஷ் மேல் மே 31, 2009

அதனால் சகல மக்களுக்கும் தெரிவிக்கறது என்னவென்றால்….

நான் எனது கடையை இந்த இடத்திற்கு மாத்திடே……………………..ன்!!!!!!!!!!!

அதனால் சகல பின் முன் சைட் ஓட்டங்களை அங்கேயே போட்டுங்க மக்களே!!!!!!!!!!

உங்களின் புக்மார்க்குகளையும் பதிவின் லிங்குகளையும் என் புதிய தளத்திற்கு மாற்றித்தருமாறு அன்புடன் கேட்டுக்கொள்ளிக்றேன்.

மிக்க நன்றிகள்
சுபாஷ்.

Posted in பொது | Leave a Comment »

இணையம் மூலம் பணம் சம்பாதிக்க சில ஆலோசனைகள் 1

Posted by சுபாஷ் மேல் ஏப்ரல் 26, 2009

முதலில் பொதுவான தமிழ் / பிறமொழி இணையத்தளமிருப்பின் அதன் மூலம் என்னென்ன செய்யலாமென பார்க்கலாம்.

எல்லாவிதமான விடயங்களையும் உங்கள் பதிவில் / வெப்பில் கவர் பண்ணுபவரா நீங்கள் ? உங்களுக்கு கூகிளிக் ஆட்சீன்ஸ்தான் முதல் தெரிவாகவிருக்கட்டும். மற்றயது Banner Ad போன்றவற்றையும் முயற்சிக்கலாம். பொதுவாக பதிவுகளில்Pay per clicks / Immpressions எல்லாம் பயன்படாது. மாதத்திற்கு இவ்வளவென விளம்பரப்படுத்தும் சேவைகளைத்தான் நம்பவேண்டும். அதுதான் அதிகமான வருவாயை தரும். தமிழில் இதுபோன்றதொரு தளம் இருக்கிறதாவென தெரியவில்லை. இல்லாவிட்டால் புதிதாக உருவாக்கலாம். தேவையான மென்பொருள் வசதியை என்னால் தர முடியும். ஆனால் பிரபலமாக வெகு நாளாகும். விகடன், தட்ஸ்தமிழ், தமிழிஷ், தமிழ்மணம் போன்ற பிரபலமாகவுள்ள தமிழ் இணையத்தளங்கள் இச்சேவையை செய்ய முன்வந்தால் மிக உச்ச பயன் கிடைக்கும். ஏனெனில் விளம்பரதாரர்களும் நம்பிக்கையுடன் விளம்பரம்தர ஒத்துழைப்பார்கள்.

——————————————————————————

இத்தளம் எப்படி செயல்படுத்தப்பட வேண்டும்?

விளம்பரம் வெளியிட விரும்புவோர் தங்கள் தளம் பற்றிய விபரங்களை தரவேண்டும். அத்தள Hits விடயங்கள் automatic script / Tamilish or smiler Tamil web sites- votes அடிப்படையிலே  திரட்டப்படும். ( Alexa / Google page rank போன்றவை இங்க உதவாது. ) இவர்கள் எந்த வகை வியாபார விளம்பரங்கள் தங்கள் தளங்களில் வெளியிடலாமென தெரிவிக்க வேண்டும்.  மற்றும் எதிர்பார்க்கும் கட்டணத்தையும் தெரிவிக்கவேண்டும். இவையாவும் டேட்டாபேசில் ஒருமுகப்படுத்தப்பட்டு சேமிக்கப்படும்.

விளம்பரதாரர் தங்கள் விளம்பரங்கள் எந்த வகையான தளங்களில் வரவேண்டுமென நிர்ணயம் செய்து தங்கள் எதிர்பார்க்கும் அல்லது செலுத்தக்கூடிய உச்ச கட்டணத்தையும் தெரிவிப்பர்.

நமது Script ஆனது இவர்கள் இருவருக்கும் இணைந்தாற்போல வரும் விளம்பரதாரரையும் வெளியீட்டாளர்களையும் பட்டியல் போட்டு நொடியில் தந்துவிடும். பின்னர் இருவருக்கும் பிடித்திருந்தால் விளம்பரம் வெளியிடலாம். தரகாக இயைத்தளத்திற்கு ஒரு விகித அடிப்படையிலோ அல்லது fixed rate ஆகவோ பணம் செலுத்த இந்த தளத்திற்கும் வருமானம் பெருகும்.

அடுத்து 3ம் தரப்பாக இணையத்திற்கு சம்பந்தமில்லாதவர்களாகவிருப்பவருக்கும் இவ்விணையம் மூலம் வருமானமீட்டலாம். அதாவது உங்களின் ஏரியாவிலுள்ள வியாபா நிலையங்களிலிருந்து விளம்பரங்களை பெற்றுக்கொடுப்பதன் மூலம் இடைத்தரகாக ஒரு வருமானத்தையும் பெறலாம்.  ஆக 4 தரப்பினருக்கும் வருமானம் கிடைக்கும்.

சாதாரண Banner ad management script  இனை சிறிது மேம்படுத்துவதன் மூலம் இவ்வசதிகள் கொண்ட ஒரு இணையத்தளமிருப்பின் வருமானம் பெருகும். ஆங்கில தளங்களுக்கு இவ்வாறெரு தளம் முற்றாக வடிவமைத்துக்கொடுத்திருக்கிறேன். இதைப்பற்றி வேறு தகவல் தேவைப்படின் தொடர்பு கொள்ளவும். ( தெழில் காரணமாக என்னால் Script தரமுடியாது. என் பிழைப்பே இதுதான். ஆனால் என்னாலான யோசனைகளை தயங்காமல் தருவேன் )

——————————————————————————————

அடுத்து Google Adsense களை நம்பி ஆங்கிலத்தளங்களை வைத்திருக்கிறீர்களா?

உங்களின் தளம் கண்டிப்பாக ஏதாவதொரு குறித்த விடயத்ததை மட்டுமே விவாதிப்பதாகவோ வெளியிடுவதாகவோ இருக்கட்டும்.

அதாவது Google Adsense ல் Finance, Economics, debt, Loan போன்ற key words வரும் விடயங்களை உள்ளடக்கிய தளங்களில் வெளியிடப்படும் adsense ஆட்களை யாராவது கிளிக்கினால் இதற்கு அதிக பணம் தருவார்கள். ஏனெனில் இந்த கீ வேர்ட்ஸ்சுக்கு இருக்கும் மவுசு அப்படி. ஆக நீங்களும் இது சம்பந்தமான பதிவுகளை இட்டு அதை விளம்பரப்படுத்தி ஹிட் சேர்த்தீர்களெனில் உங்கள் வெப்பிலிருந்து வரும் கிளிக்ககளுக்கு அதிக பணம் கிடைக்கும். 1st year படிக்கும்போது Adsense அறிமுகம் கிடைத்தது(2005/2006 ). அப்போது 4 பதிவுகளை ஆரம்பித்தேன். 3 மாதத்திற்குப்பின்னர் ஒரு மாதத்திற்கு $80-100 வரை கிடைத்தது. 4 வாரங்களுக்கொருதரம் செக் வரும். பின்னர் இந்த சில்லரை வேலையை விட்டுவிட்டு Software development ஆரம்பித்துவிட்டேன். இன்றுவரை நன்றாக நடக்கிறது. விரைவில் 3வருட நிறைவு வர இருக்கிறது:) .

பல ஐடியாக்களை நீண்ட நாட்களாகவே பதிவிடும் எண்ணம் இருந்தது.  இன்றுதா கொஞ்சமாவது தட்டச்சு செய்திருக்கிறேன். எனது அறிவுக்கெட்டிய சில சில்லறை யோசனைகளைத்தான் சொல்லப்போகிறேன். உபயோகப்படுத்தலாமென நினைத்தால் விடாமுயற்சியாக முயன்றுபாருங்கள். யாருக்கும் ஐடியா சொல்லும் வயதில் நான் இல்லை. தவறாக நினைக்காமல் இருந்தால் சரிதான். இந்த ஐடியாக்கள் படிக்கும்பொது இருந்தது. இப்போது இல்லை. உங்களுக்கு ஏதாவது பொறி தட்டினால் தாமதிக்காமல் செயல்படுத்திவிடுங்கள். ( அதுதான் எல்லாவற்றிற்கும் மிக முக்கியம்.)

பின்னர், குறிப்பிட்ட விடயங்களை மட்டும் எழுதும் பதிவர்களுக்காக சில ஐடியாக்களை தருகிறேன். நீங்கள் திட்டாமல் ஆதரித்தால் மட்டும்.

அன்புடன் சுபாஷ்.

Posted in ஆராய்ச்சி, உழைப்பு, எப்படி எப்படி, பொது | குறிச்சொல்லிடப்பட்டது: , , , | 28 Comments »

சினிமா சினிமா – தொடர்பதிவு

Posted by சுபாஷ் மேல் ஒக்ரோபர் 17, 2008

என்னை இத்தொடர் பதிவில் கோர்த்து விட்ட அணிமாவிற்கு என் முதற்க்கண் நன்றியை தெரிவித்துக் கொண்டு பதிவிற்குப் போகலாமா? கொஞ்சம் ஓவரா அலட்டியிருக்கேன். பொறுத்தருளுவீர்களாக.

1.அ. எந்த வயதில் சினிமா பார்க்க ஆரம்பித்தீர்கள்?

ஆறு வயதில் என ஞாபகம். முதன்முதலில் பார்த்த்து சூப்பர் ஸ்டாரின் ராஜா சின்ன ரோஜா. அதுவும் தியேட்டரிலேயே பார்த்தேன். அப்போது வீட்டில் நான் மட்டும் ஒரே பிள்ளை!!!

ஆ. நினைவுதெரிந்து கண்ட முதல் சினிமா?

முதன்முதலில் பார்த்த்து சூப்பர் ஸ்டாரின் ராஜா சின்ன ரோஜா. அதுவும் தியேட்டரிலேயே பார்த்தேன். அப்பாவின் நண்பரெருவரின் குடும்பத்தினருடன் சென்று பார்த்தோம்.

அடுத்தும் தியேட்டரில் ரஜினியின் தர்மதுரை. அதுக்கு பிறகுதான் கறுப்பு ஜேக்கீன் வாங்கி வியர்க்க வியர்க்க போட்டு அலைந்தேன். ( கறுப்பு ஜேக்கீனுக்கு நைட் ரைடரும் அதின் ஹீரோ மைக்கலும் இன்னொரு காரணம்.)

இந்த 2ம் தரம் படம் பார்ப்பதற்கு இடையில் வேறு எந்த படமும் பார்தம்த்தாக நினைவிலில்லை. அன்று பாடசாலை பரீட்சை முடிந்த பின்னர் அப்பாவோடு சென்று பார்த்தேன்.

அடுத்து தியாகராஜனின் ஒரு படம்.அவருக்கு தலையில் அவரது அம்மா ஒரு குடுமி கட்டிவிடுவார். இவர் பழி வாங்கியபின்னர் தான் அதை அவிழ்ப்பாராம். பெயர் ஞாபகம் இல்லை. ஆனால் வெறுத்துப்பொய் தூங்கிய படம்.

அடுத்து பாலச்சந்தரின் ஒரு படம். பாடல்கள் சூப்பர் ஹிட். பெயர் ஞாபகமில்லை. பிரபல பாடகர் வீட்டை விட்டு ஓடி வந்து விடுவார். அதுதான் கதை.

அதன் பின்னர் நிறைய்ய்ய்ய்ய வருடங்களிற்கு பிறகு முதல்வன் பார்த்தேன். 11ம் வகுப்பு பரீட்சை முடிந்த நேரமது. பிறகு இன்றுமட்டும் ஜாலியாக தொடர்கிறது.

இ. என்ன உணர்ந்தீர்கள்?

அந்த வயதில் உணர என்ன இருக்கு. முதல்முதலா தியேட்டரில் பெரிதாக படம் பார்க்க பிரமிப்பாக இருந்திருக்குமென இண்ணுகிறேன். இன்றும் அதில் வரும் ராஜா சின்ன ரோஜாவோடு காட்டுப்பக்கம் சென்றானாம் எனும் பாடல் பிடிக்கும். அதற்கு தியேட்டர் சென்று பார்த்த்துதான் ஒரே காரணமாக இருக்குமென எண்ணுகிறேன்.

2. கடைசியாக அரங்கில் அமர்ந்து பார்த்த தமிழ் சினிமா?

ஜெயம் கொண்டான்.

முதல் காட்சி. நான்கைந்து இடைவேளை விட்டார்கள். ரீலில் ஏதோ சிக்கலாம்.ஹிஹி

3. கடைசியாக அரங்கிலன்றிப் பார்த்த தமிழ் சினிமா எது, எங்கே, என்ன உணர்ந்தீர்கள்?

குசேலன் !!!

தியேட்டரிலிருந்து தூக்கிவிட்டு தாம்தூம் போட்டுவிட்டார்கள். அதற்குமுன்னரும் தியேட்டர் போகும் எண்ணமிருக்கவில்லை.

4. மிகவும் தாக்கிய தமிழ்ச்சினிமா?

பாட்சா !!!

2 வாரத்துக்கு அந்த எஃபெக்ட் இருந்த்து. நடக்கும்போது, திரும்பும்போது என எல்லா நேரத்திலேயும்.

அடுத்து ந ந்தா.

எதிர்பாராத கிளைமாக்ஸ்

அடுத்து சந்திரமுகி. படம் நைட்சோ பார்த்து தூங்கி கனவு கண்டு பக்கத்தில் படுத்திருந்த நண்பரையும் சேர்த்து கட்டிலிலிருந்து கீழேஇறக்கி பதுங்கியிருந்தேன். காரணம் வெளியில் யாரோ தகர கேட்டில் கல்லால் எறிந்திருக்கிறார்கள். நாய் ஓயாமல் குலைத்துக்கொண்டிருந்த்து. ஹிஹி

மற்றயவை ஞாபகம் இல்லை.

இப்போதெல்லாம் படம் பாத்து முடிச்சு டைட்டில் போகும்போது எல்லாமே போய்டும். கதய கேட்டா கூட சொல்ல வருதில்ல. ஞானம் கூடினா இப்படித்தனோ???? ஹிஹி

5.அ. உங்களை மிகவும் தாக்கிய தமிழ்ச்சினிமா-அரசியல் சம்பவம்?

நத்திங்!!!

ஆ. உங்களை மிகவும் தாக்கிய தமிழ்ச்சினிமா-தொழில்நுட்ப சம்பவம்

சின்ன வயதில் அப்பா இராடாயண கதையென சம்புர்ண இதைமாயணம் படம் கொண்டு வந்தார். வீசிஆர் பிளேயரில் பார்த்தேன். அதில் வரும் இறுதி போர்க்காட்சிகள் வியக்க வைத்தன. கும்பகர்ண்ணுக்கு மேலே பலர் ஏறி அவரை எழுப்பும் காட்சி, அம்புகளுக்கு பதிலம்பு விட்டு அவை மோதும் காட்சிகள், இப்படி நிறைய காட்சிகள். அப்போது உண்மையில் இப்படித்தான் மனிதர்கள் இருந்திருப்பார்களென எண்ணுமளவிற்கு கலக்கலாய் இருந்த்து.

அடுத்து சிவாஜிகணேசன் நடித்த நவராத்திரி. அடுத்து விக்கிரமாதித்தன் படமும் பார்த்து வியந்தேன் அப்போது. இப்ப வரும் கிறாபிக்ஸ் எல்லாம் சும்மா ஜிஜிப்பி!!!

அடுத்த்து DTS !!! பாய்ஸ் படம் பார்க்கும்போது நாய் குரைக்கும் சீனில் சட்டென பின்னால் திரும்பி பார்க்க வைத்த்து.

அன்னியனில் எண்ணைச்சட்டிக்குள் ஒருவரை வீசிவிட்டு தட்டால் வீசி மூடுவார். அது ஸ்லோ மோசனில் பறந்து வரும். அப்ப எனக்கு முன்னால் இருந்த இருவரும் இடம் வலமாக பிரிந்து சாய்ந்தார்கள். அப்ப எனக்கு இந்த தட்டு என்ன நோக்கி வருவது போலிருந்த்து. எல்லாம் சவுண்ட் எஃபெக்ட்!!

6. தமிழ்ச்சினிமா பற்றி வாசிப்பதுண்டா?

தட்ஸ்தமிழில் தலைப்புகளை வாசிப்பதுண்டு

7.தமிழ்ச்சினிமா இசை?

ஏ ஆர் ரகுமாகேதான் ஸ்டார்.

ஏ ஆர் மனைவி மாதிரி.எப்பவும் வீட்டிலிருந்து கூடவே பயணிக்கும் இசை.

ஹரீஸ் பஸ்சில் ஒரு ஹால்ட்டில் ஏறி அடுத்த ஹால்டில் இறங்கும் அழகான பெண் போல. அவ்வளவுதான்.

யுவன் ஒரு பஸ் ஹால்ட்டில் நிற்கும் பெண்கள் கூட்டம் போல. நான்கைந்து பேர் நின்றால் ஒன்று தேறும்.

இப்போது புதிதாக ஜி வி பிரகாஷி, ரமேஷ் வினாயகம், ஜோஸ்வா சிறீதர், பிரேம்ஜி அமரன் போன்றோரின் இசையில் சில பாடல்கள் பிடிக்கிறது. காரணம் பிரஷ்ஷான இசை!!! இவர்களெல்லாம் பஸ்சில் வேகமாக போகும்போது சட்டென எதிர்த்திசையில் வீதியோரமாக நடந்து போகும் பெண்கள் போல!!!

8. தமிழ் தவிர வேறு இந்திய, உலக மொழி சினிமா பார்ப்பதுண்டா? அதிகம் தாக்கிய படங்கள்?

வேறு இந்தியமொழயென்றால் ஹிந்தி மட்டுமெ!!! ஆங்கில சப்டைட்டிலோடு பார்த்திருக்கிறென். 2 படங்கள் மாத்திரம். ஒன்று ஷாருக்கின் டான். எத்தனை தரம் பார்த்தாலும் அலுக்காத படங்களில் இதுவும் ஒன்று.

அடுத்து ஒரேயொருமுறை தியேட்டரில் பார்த்த ஜோதா அக்பர்.

மற்றும் aXXo வின் சகல படங்களும். இப்பகூட Jrny 2 da center of da earth டவுண்லோடு முடிந்திருக்க இறக்கி பார்த்துவிட்டுதான் மோகனின் பதிவில்  பின்னுட்டமிட்டேன்!!!

மற்றும் சார்லி சாப்ளின் படங்கள் பிடிக்கும்.

நிறைய படம் பார்த்திருக்கிறேன். ஆனால் என்னை மறந்து கண் கலங்கிய படம் வில் ஸ்மித்தின் Prst of happyness  (happiness இல்லை ) மற்றபடி படம் பார்க்கும்போது எதுவிதமாயும் இருப்பதில்லை.

9. தமிழ்ச்சினிமா உலகுடன் நேரடித்தொடர்பு உண்டா? என்ன செய்தீர்கள்? பிடித்ததா? அதை மீண்டும் செய்வீர்களா? தமிழ்ச்சினிமா மேம்பட அது உதவுமா?

ஆம்!!!!

சிவாஜி படத்துக்குக்கூட அதன் தயானிப்பாளருக்கு என்னாலான உதவி 750ரூபாய் குடுத்தேன். ஐ மீன் தியேட்டரில் 3 தரம் பார்த்தேன். ஹிஹி

இப்ப சொல்லுங்க தமிழ் சினிமா மேம்படும்தானே?????

10. தமிழ்ச்சினிமாவின் எதிர்காலம் பற்றி என்ன நினைக்கிறீர்கள்?

நினைக்க ஒன்றுமில்லை. ஏனெனில் நினைக்கற மாதிரி அவய்க படம் எடுக்கறதில்ல.

ஆனா வாழ்த்துக்கள் சொல்ல்லாம்.

வாழ்த்துக்கள்!!!

11. அடுத்த ஓராண்டு தமிழில் சினிமா கிடையாது, மற்றும் சினிமா பற்றிய சமாச்சாரங்கள், செய்திகள் எதுவுமே பத்திரிகைகள், தொலைக்காட்சி, இணையம் உள்ளிட்ட ஊடகங்களில் கிடையாது என்று வைத்துக்கொள்வோம்? உங்களுக்கு எப்படியிருக்கும்? தமிழர்களுக்கு என்ன ஆகும் என்று நினைக்கிறீர்கள்?

ம்ம்ம் பெரிசா ஒன்னும் ஆகாது. ஏன்னா உடனே அடுத்த என்டர்டெயின்மன நாமளே உருவாக்கிடுவோம். இல்ல இதுக்கேத்தமாதிரி மாறிவிடுவோம்.

இதுக்காக யோசிச்சு கிடக்குறது வேஜ்ட். இத விட நம்ம வாழ்க்கைக்கு நிறைய யோசிக்கணும்.

நடைமுறையில் இப்படி நடக்காது. நடக்கவும் முடியாது. இதுவே தொழிலென இருக்கும் ஆயிரக்கணக்கான தொழிலாளர்கள் பாதிக்கப்படுவர்.

அடுத்து அரசிற்கும் வரவாய் குறையும்.

இப்பொழுது நான் சிலரை கோர்த்து விட வேண்டும்.

1. அவார்டா குடுக்கறாங்க – ஆர்வி மற்றும் Bags அவர்கள்

தமிழ் சினிமா பற்றி ஒரு களஞ்சியமே இவர்கள் பதிவுகளில் இருக்கிறது. முதலில் இவர்களை அழைப்பதன் மூலம் சுவையான பல விடங்களை அறிந்துகொள்ளலாமென நினைக்கிறேன். ஆரம்பத்தில் இருவர் சேர்ந்து பதிவுகள் எழுதுகிறார்களென தெரியாது. பின்னர்தான் தெரிந்துகொண்டேன். ஆக நமக்கு இரு சுவையான பதிவுகள் கிடைக்கவிருக்கின்றன.

3. தமிழ்நெஞ்சம் அவர்கள்

கணனி பற்றிய சுவையான பதிவுகள் பலவற்றை சளைக்காமல் போட்டுத்தள்ளுவார். சினிமா பற்றியும் சொல்வாரென எதிர்பார்க்கிறேன்.

4. வபூர்தா அவர்கள்

நல்ல கதைகள், நல்ல கவிதைகள் மற்றும் மொக்கை கதைகள் என நேரம் கிடைக்கும்போது போடுவார். ரொம்ப அப்பாவி என நினைக்கிறேன். 2ம் முறை மாட்டுகிறார். ( நா என்ன பண்ண !!! )

5. கூடுதுறை அவர்கள்

நல்ல பதிவர், பல பதிவுகளில் உபயோகமான பதிவுகளை புதியவர்களுக்காக திரும்ப தருகிறார். கணனி பற்றிய பல உபயோகமான பதிவுகள் மிகவும் பிடித்தவை.

மற்றய நண்பர்கள் பலரையும் அணிமா அண்ணனே கோர்த்துவிட்டதால் அவங்க தப்பிச்சாங்க!!!

உங்க அனுபவங்களையும் பகிர்ந்து கொள்ளுங்களேன்!!!!

Posted in சினிமா, தொடர் பதிவு, பொது | குறிச்சொல்லிடப்பட்டது: , | 42 Comments »

உங்க Blog கை கைகழுவ 10 வழிமுறைகள்

Posted by சுபாஷ் மேல் ஒக்ரோபர் 4, 2008

டைம் கிடைக்கறதேயில்லனு நிறய பேர் ( நானும்தான் ) சும்மா அலட்டிக்கொள்வார்கள். சிலருக்கு இருக்கற டைமில என்ன செய்யறதென்று தெரியாம பேந்த பேந்த முழிப்பார்கள். ஆனா நான் ஒருவழியாக ஒரு சின்ன ரிசேர்ச் ஏதாவது பண்ணலாமென நினைத்துஐடியா தேடினோனா, ஐடியா மணி ஐடியா குடுத்தாரு. ( வேற யாரு கூகிளண்ணேதான்)

Blog குகளின் subscribers குறைவதற்கான வழிமுறைகளை கொஞ்சம் ரிசேர்ச் பண்ணிப்பாக்கலாம் என நினைத்துக்கொண்டு கூகிளாண்டவரிடத்திற்குப்போனா, அட நம்மள மாதிரி நிறய பேரு இப்படியே ரிசேர்ச்சு பண்ணி வச்சுருந்தாங்க. பாவம். அவங்களுக்கும்… ம்ம் வேணாம். இப்படி அதிகமா அலட்டினாலும் வர்றவங்க நின்னுடுவாங்களாம்.

எல்லா முடிவுகளிலிருந்தும் நா ஒரு 10ஐ செலக்ட் பண்ணிருக்கேன். நீங்களும் பாத்துட்டு ஏதாச்சும் சொல்லிட்டுப்போங்க.

1.அளவுக்குஅதிகமான Posts களை போடுவது. – வாசகர்கள் கடைசியாக போட்ட பதிவுகளைத்தான் அதிகம் படிப்பதாக சொல்கிறார்கள். ஒரு நாளுக்கு அதிகபட்சம் 2 பதிவுகள் போடலாம். ஆனால் ரெகுலர் வாசகர்கள் எத்தன போட்டாலும் படிப்பார்கள். ஆக உங்க ஒவ்வொரு பதிவையும் எல்லாரும் படிக்கணும்னா ஒரு நாளுக்கு ஒண்ணோட நிறுத்திரணுமாம்.

2. தொடர்ச்சியான இடைவெளியில் post போடாமை -அதாவது எப்பவாவது இருந்துட்டு போடரது, மாசத்துக்கொண்ணுனா அப்படியே மெயின்டேன் பண்ணணும். வாரத்துக்கொண்ணுணா அப்படியே, தினமும்னாலும் அப்படியே தொடர்ந்து பண்ணணுமாம்.

3. Blog இனுடைய மைய நோக்கத்தை விட்டு வேறு பதிவு போடுவது ( அதாவது நான் தொழில்நுட்ப பதிவு போடபோறன்னு அலப்பற விட்டுட்டு மொக்கை பதிவு போடர மாதிரி )

4. நமது பதிவுகளை நாமே மறுபதிவு செய்வது, ( சுயசுடுதல் ) – மீள்பதிவின்போது புதிய விடயங்களிருந்தால் அவற்றை மட்டும் அப்டேட் பண்ணிவிட்டு பழைய பதிவிற்கு லிங்க் குடுப்பதுதான் அதிக வாசகர்களையும் ரேட்டிங்கையும் கூட்டுமாம். ஏனெனில் பழைய பதிவுகளுக்கு ஹிட்ஸ் வந்தா ரேட்டிங் அதிகமாகும்.(கூகுளுக்கு மட்டும்)

5. சுவாரசியமில்லாத கருத்து அல்லது தகவல். – இத  படிக்கும்போது மானிட்டரில் ஈ வந்து நிக்குமாம். ( இந்த பதிவுக்கும் நிக்குதா? முதல்ல ஃபேன போட்டு வாங்க !!! )

6. தலைப்பிற்கு சம்பந்தமில்லாத பதிவு – சோடானு சொல்லி கூப்பிட்டு ஓடி வாறவரனுக்கு பச்ச தண்ணிய குடுத்தா, இன்னாரு நாள் நாம உண்மையா சோடா குடுதடதாலும் ஏன்னும் பாக்க மாட்டானுக.நகைச்சுவை மற்றும் மொக்கைப்பதிவுகளுக்கு இது விதிவிலக்கு. ஆனால் உங்கள் ஸ்டைல் தெரியாத புது ஆளாயிருந்தா அவருக்கு உங்க பதிவு பற்றி நெகடிவான எண்ணம்தான் வரும்

7. ஈகோ – வாசிப்பவரை ஒண்ணுமே தெரியாதவராக மட்டம் தட்டறது அல்லது தனக்கு மட்டுமே தெரியும்கறமாதிரி அலப்பற விடுறது. வாசிக்கும் போது ஒவ்வாரு வாசகருக்கும் அந்த பதிவு தனக்காகவே எழுத்ப்பட்டு சொல்ல வரும் செய்தியை தாழ்மையுடன்  சொல்ற மாதிரி இருக்கணுமாம்.

8. தரம் குறைந்த ஆக்கங்கள் – ரெஸ்டோரண்ட ஸ்டைலா வச்சு விளம்பரப்படுத்தி உள்ள பச்சத்தண்ணி மாதிரி இருந்தா இறால் கறிய ஹாஃப் ரேட்ல குடுத்தாலும் அடுத்த தரம் திரும்பிகூட வரமாட்டாங்க

9. மிகமிக நீளமான பதிவுகள். – படமில்லாம மிக நீளமாக பதிவு போடரது. நீளமாயிருந்தா பார்ட் பார்ட்டாக பிரிச்சு பொடலாம். இல்லேனா பொருத்தமான சுவாரசியமான படங்களை ஆங்காங்கே போட்டுவிடலாம். சின்ன சின்ன பத்திகளாக பிரிச்சு விடலாமாம்.

10. அதிகமான பின்னுட்டங்கள் – ஒரு பக்கத்தில் 50 பின்னுட்டங்கள் வரை இருந்தா ஓகே. அதிக பின்னுட்டங்களை பேஜ் பேஜாக வார மாதிரி அடுக்கி விடுங்க. புதிய பதிவுகளுக்கு சும்மா விட்டா பரவால்ல. ஒரு மாசமான பழைய பதிவுகளை இப்படி பண்ணிவிடுங்க.

ஹம்ம். இதுல நீங்க ஒத்துக்கற ஒத்துக்காத விடயங்களையும் சொல்லுங்க.

தெடர்ந்த வாசிக்கற ஒரு பிளாக்கிலிருந்து நீங்க வெறுத்துபோய் வாசிக்கறத விடுறீங்கனா என்னென்ன காரணங்களுக்காக என்னதையும் அறியத்தரவும்.

மிகமுக்கியம் – இந்த ரிசேச்சுக்கு எனக்கு Phd குடுப்பாங்களா?
(PhDPermanent Head Damage !!! 🙂 )

Posted in ஆராய்ச்சி, எப்படி எப்படி, பொது | குறிச்சொல்லிடப்பட்டது: | 98 Comments »

வேர்ட்பிரஸ் பாவனையாளர்களுக்கு சின்ன வேண்டுகோள்!!!

Posted by சுபாஷ் மேல் ஒக்ரோபர் 3, 2008

எனது பதிவிற்கு வரும் அத்தனை அன்பர்களுக்கும் நன்றி !!! பின்னுட்டமிட்டு தங்கள் கருத்தை சொல்பவர்களுக்கும் டபுள் நன்றி.

உங்க வேர்ட்பிரஸ் அக்கவுண்டில் நீங்க லாகின் பண்ணினா, எல்லா வேர்ட்பிரஸ்  பதிவுகளிலும் இலகுவாக பின்னுட்டமிடலாம். ஆனா அந்த டைமில பின்னுட்டுபவர்களின் பெயர் மட்டுமே வருகிறது. தவிர உங்க தள சுட்டி வருவதில்லை. இதனால் எனது தளத்தில் பின்னுட்டமிடும் வாசகர்களின் எண்ணங்களையும் எழுத்தையும் தெரிந்து கொள்ள முடியாமல் போகிறது.

வேர்ட்பிரஸ் ல் லாகின் பண்ணாம வேர்ட்பிரஸ் பதிவுகளில் பின்னுட்ட வந்தால் இந்த பிரச்சனை வருவதில்லை. Auto Complete ல் web browser ஏ பெயர், சுட்டி போன்றவற்றை நிரப்பிவிடும்.

ஆனா வேர்ட்பிரஸ் IDயை ஓபின் ஐடீ யாக பாவிப்பவர்களுக்கு இது அலுப்பான வேலையாக இருக்கும்.

ஆகவே தயவு செய்து வேர்ட்பிரஸ் பாவிப்பவர்கள் பின்னுட்டத்தில் உங்க தள சுட்டியையும் சேத்து பதிந்துவிட்டுமாறு கேட்டுக்கொள்கிறேன்.

நன்றி
சுபாஷ்

Posted in பொது | Leave a Comment »